នាយករដ្ឋមន្រ្តីកម្ពុជា សម្តេចមហាបវរធិបតី ហ៊ុន ម៉ាណែត អញ្ជើញទស្សនាស្តង់ពិព័រណ៍ សមាគម អ.ម.ត នាពិធីបុណ្យទន្លេ លើកទី៩ ឆ្នាំ២០២៥ នៅខេត្តតាកែវ
ខេត្តតាកែវ៖ នារសៀលថ្ងៃទី២២ ខែមីនា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញទស្សនាស្តង់ពិព័រណ៌សមាគមសិស្ស-និស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) ក្នុងដំណើរទស្សនាស្តង់ពិព័រណ៍ នាព្រឹត្តិការណ៍បើកជាផ្លូវការពិធីបុណ្យទន្លេ លើកទី៩ ក្រោមប្រធានបទ “គុណតម្លៃនៃទន្លេ៖ ផ្សារភ្ជាប់វប្បធម៌ និងទេសចរណ៍ធម្មជាតិ” ដែលប្រព្រឹត្តទៅនាថ្ងៃទី២១-២៣ ខែមីនា ឆ្នាំ២០២៥ ក្នុងខេត្តតាកែវ ដោយមានការចូលរួមពីសំណាក់ ឯកឧត្តម លោកជំទាវ លោក លោកស្រី ជាថ្នាក់ដឹកនាំ ព្រមទាំងភ្ញៀវជាតិ-អន្តរជាតិ យ៉ាងច្រើនកុះករ៕
